Автори, книги

На оваа тема имам да кажам многу повеќе од воведен пост, всушност цела колумна :D

Но, идејата ми е да размениме мислења за автори кои ги сакаме, за книги кои се вистинска уметност. Се разбира, пред се’ зборувам за белетристика, но секако дека некој може да зборува и за автор на историски, филозофски дела, и слично.
Јас читам многу во животот и од кога знам за себе сум сакала да го правам тоа, така што мислам дека книжевноста е многу специфична уметност и би рекла дури „недемократска“, затоа што не е отворена за секого. Затоа и разговорите за книги, мене барем, ми се некако - свети.

Еден од моите култни автори е Томас Ман, германски писател на 20 век. Има многу дела, кое од кое подобро, но не ми е тешко да ги издвојам двете врвни за мене: „Д-р Фаустус“ и „Јосиф и неговите браќа“. Првата книга е во два тома, втората во 4 :lol:
Неверојатно квалитетен автор!

Во моментов не знам зошто, но сосема случајно се сетив на една прекрасна книга од Кронин "Цитадела"...обид и мечта на еден млад лекар да се извлече од матрицата на секојдневието и еднообразието во едно мало гратче во Шкотска и негово постепено навлекување на високиот живот и задоволствата, заборавајќи на почетокот, љубовта и благородноста на својата професија......

Злосторство и казна од Фјодор Михаилович Достоевски

За почеток ќе кажам дека темава требаше да се отвори и мило ми е што ќе си разменуваме мислења за моето второ омилено нешто(од уметностите)-читањето,а исто така ме поттикнаа споменатите книги и автори Достоевски и МАН.Бидејќи откако ги научив буквите многу сакав да читам,имам прочитано многу книги,но во овој брачен и мајчински приод можам само да се потсетувам и навраќам на тоа што сум го прочитала и дефинитивно гореспоменатите автори заедно со Херман Хесе,Тургењев , Булгаков и Кундера,А и од фантастиката Алан ПО и Лофкрафт,ми беа едни од највпечатливите.Во моментов на многу нешта неможам да се сетам,но со вас ќе си ја освежувам меморијата...Едвај чекам.

Внесувам нови моменти во темава,погледнете го клипот,посебно обратете внимание на онаа што следи по 4 min 20 sec.

Браво Гока, за новите моменти! :D
Темава може да стане и интерактивна, а ме потсети и на еден прекрасен филм со Енди Гарсија, што се вика „Лорка“, за мистеријата околу неговата смрт.
Тој филм почнува со една од неговите најубави песни „Тажачката на Игнасио Санчез Мехијас“, позната по рефренот „Во пет попладне“.

Кон Далила: И јас ги сакам Кундера и Булгаков, заедно со Томас Ман - мене тие ми се „Светото тројство“ на книжевноста на 20. век!
„Мајсторот и Маргарита“ на Булгаков ја имам прочитано 6-7 пати и воопшто не ми се троши со препрочитувањето. Ги сакам и неговите фантастични раскази, а неодамна го открив подолгиот расказ „Кучешко срце“ - каква генијална иронија за човечката природа има во него.... Посебен автор.

Можеби некому ќе звучи малку „школски“, ама еден од моите омилени автори е и Меша Селимовиќ. Кога првпат ја открив „Дервишот и смртта“ (во средно, нели) - ја прочитав за една ноќ, останав будна до утрото што дотогаш ми се немаше случено ни за Нова година :lol: :lol:

Но, подоцна откривав и други негови работи и се вљубив во романот „Тврдина“ - потопол, почовечки роман од тој се чини дека навистина немам сретнато. Смешно-тажен, искрен, потресен....Немам доволно зборови да го препорачам.

-ХРОНИКА НА ЕДНА НАЈАВЕНА СМРТ-Книгата започнува со-Дента кога ке го отепаа
-НА ПОЛКОВНИКОТ НЕМА КОЈ ДА МУ ПИШУВА-Книгата завршува со-Го*на
-СТО ГОДИНИ САМОТИЈА- :heart: :heart: :heart:

Еве го и оригиналот

https://www.youtube.com/watch?v=-q7CedD7Eg8

Џорџ Орвел 1984,а и неговата ЖИВОТИНСКА ФАРМА.Немам коментар

Мемоарите на Хадријан од Маргарит Јурсенар

Алесандро Барико е еден современ италијански автор што топло ви го препорачувам. Мене пред неколку години ми беше вистинско откритие!

Се’ што пишува му е добро, ама би ги издвоила подолгиот расказ-сценарио „Пијанистот“ (или „Новеченто“) и романите „Океан Море“ и „City“.

Многу е добар, ако некој е за - ќе му ги позајмам книгиве ;)

Ако има некој евентуално политичко-социјална литература нека дигне два прста инаку досега книга која ми оставила најголем впечаток е Мојата борба од Адолф Хитлер,не со темата која ја обработува туку со начинот на кој ги убедува читателите во оправданоста на тоа што го вели иако не е оправдано ниту од далеку.Сега ќе ја читам титовата афтобиографија ама некако ми изгледа премногу фалсификувана

Bravo, za postavenata tema!
Vednas da kazam deka mnogu od veke spomenatite avtori se i moi omileni, klasici narocito. I da znaete voopsto ne mi e lesno da izdvojam kogo bi napisala za pocetok..........
Balzak, Dostojevski, Gete, Ivo Andric, Danilo Kis, Momo Kapor, Slavko Janevski, Bora Stankovic,... (ne pisuvam naslovi zatoa sto ne mozam da se odlucam sto bi izabrala kao 'top'),
G. Flober "Madam Bovari", kniga na Ken Folet 'Stubovi zemlje', Jovan Ducic "Blago cara Radovana" i poezija mu e fenomenalna, Zak Prever, Branko Miljkovic, Bodler, ...(koga veke spomnav poezija),"Sljivin cvet u vazi od zlata" - kineski roman iz 16. veka,..
Prodolzuva.....

Една од моите омилени книги е „Дервишот и смртта“ од Меша Селимовиќ. Книгата ја читав во средно, а сеуште се сеќавам на голем дел од неа (ја имам по дома некаде, морам да си ја најдам и да ја прочитам уште еднаш). Паметам дека имаше неверојатно силни описи кои ми создаваа слики во главата и дури еднаш и ги сонував. На пр. описот на теќето каде што е шејх Ахмед Нурудин, чаршијата, бегалецот кој бара засолниште кој што на едната нога не носи ништо (се верува дека тој е персонификација на ѓаволот), внатрешната борба на Ахмед Нурудин, желбата да му помогне на својот брат кој е во зандана...
Има една реченица од тој роман која е искористена во филмот „Пред дождот“ на Милчо Манчевски, на самиот почеток:
„Со крик летаат птиците преку црното небо, луѓето молчат, крвта ме боли од чекање...“

Бе Перо напиша:

Има една реченица од тој роман која е искористена во филмот „Пред дождот“ на Милчо Манчевски, на самиот почеток:
„Со крик летаат птиците преку црното небо, луѓето молчат, крвта ме боли од чекање...“

Го најдов и клипот!
Се ежам од музикава!

Бе Перо напиша:

Една од моите омилени книги е „Дервишот и смртта“ од Меша Селимовиќ. Книгата ја читав во средно, а сеуште се сеќавам на голем дел од неа (ја имам по дома некаде, морам да си ја најдам и да ја прочитам уште еднаш). Паметам дека имаше неверојатно силни описи кои ми создаваа слики во главата и дури еднаш и ги сонував. На пр. описот на теќето каде што е шејх Ахмед Нурудин, чаршијата, бегалецот кој бара засолниште кој што на едната нога не носи ништо (се верува дека тој е персонификација на ѓаволот), внатрешната борба на Ахмед Нурудин, желбата да му помогне на својот брат кој е во зандана...
Има една реченица од тој роман која е искористена во филмот „Пред дождот“ на Милчо Манчевски, на самиот почеток:
„Со крик летаат птиците преку црното небо, луѓето молчат, крвта ме боли од чекање...“

Бреееј.... :lol: :lol: :lol: А јас мислев дека сите, ама баш сите до еден ме пцуевте тогаш!

Штом била таква работава, тогаш ти треба да ја прочиташ „Тврдина“, романот „близнак“ на Дервишот. Јас навистина не знам да одговорам која од нив е погенијална книга.
И, погоди кој ќе ти ја позајми? ;)

Тања напиша:

Штом била таква работава, тогаш ти треба да ја прочиташ „Тврдина“, романот „близнак“ на Дервишот. Јас навистина не знам да одговорам која од нив е погенијална книга.
И, погоди кој ќе ти ја позајми? ;)

Да ми ја позајмиш, супер!
Навистина, од „Дервишот и смртта“ имав, па не можам да ги наречам кошмари, ама во секој случај вознемирувачки сонови.
Јас тогаш бидејки бев активен дискутант за таа книга бев ослободен од тест. ;) :D

Бе Перо напиша:

Да ми ја позајмиш, супер!

Можеш да читаш на српски?
Ја имам и на македонски, добар е преводот, па како ти одговара, иако мислам дека за да ја доживееш вистински книгата, треба да ја прочиташ на српски.
(ретко го кажувам ова :D)

Бе Перо напиша:

Јас тогаш бидејки бев активен дискутант за таа книга бев ослободен од тест. ;) :D

Сум го заборавила овој момент...

Тања напиша:

Можеш да читаш на српски?
Ја имам и на македонски, добар е преводот, па како ти одговара, иако мислам дека за да ја доживееш вистински книгата, треба да ја прочиташ на српски.
(ретко го кажувам ова :D)

Можам, ама побавно ми оди така. Сепак ти на македонски да ми ја дадеш:D

Бе Перо напиша:

Тања напиша:

Можеш да читаш на српски?
Ја имам и на македонски, добар е преводот, па како ти одговара, иако мислам дека за да ја доживееш вистински книгата, треба да ја прочиташ на српски.
(ретко го кажувам ова :D)

Можам, ама побавно ми оди така. Сепак ти на македонски да ми ја дадеш:D

Убо, добијаш ;)

Од оваа тема ке се земаат идеи за препорачување книги на порталот за рубиката Предлогот е НАШ, книга

GokaGrozni напиша:

Од оваа тема ке се земаат идеи за препорачување книги на порталот за рубиката Предлогот е НАШ, книга

Супер идеја!

Еве, јас во моментов ми текна да ја препорачам „Читачот“ на Бернхард Шлинк. Многу убава, и по малку вознемирувачка книга. По подолго време ми ја врати радоста на читањето!

МАЈСТОРОТ И МАРГАРИТА од МИХАИЛ БУЛГАКОВ-вечна книга за вечна тема со бескрајно доживување.Многу сликовита и инвентивна,кој не ја прочитал,да не чека.