Would you like to react to this message? Create an account in a few clicks or log in to continue.
ФОРУМОТ Е НАШ
Овој форум е во наша сопственост,тука секој може да си каже што мисли,па дури и да објави штрајк,па затоа слободно ТУПЕТЕ и УЖИВАЈТЕ ! п.с. Форумот е строго забранет за малолетници!!!
Број на мислења : 217 Локација : Скопје Регистриран на : 2009-05-02
Предмет: Чија е песнава? Чет 21 Мај 2009, 3:41 am
Случајно дојдов до едно ЦД со документарен филм напрвен од една Бугарка.
Документарецот почнува вака.
„Седам јас во една кафана во Истанбул на иста маса заедно со Македонец, Србин, Турчин и Грк. И во кафаната пеачката почнува да пее песна и сите ние ја запеавме на нашите јазици истата песна. И сите тврдевме дека песната е наша и ептен се испокаравме.“
По случкава теткава решила да направи истражување (документарец) за да открие чија е песната.
Мелодијата на песната е идентична секаде само се разликува текстот и сите тврдат дека песната оригинално е нивна:
Турција - 100 % убедени дека е нивна народна
Грција - 100 % нивна од пред 50-60 години.
Албанија - изворна народна нивна бидејќи тие се најстар народ на Балканов.
Босна - Ја имаа во две верзии, втората верзија преработена за потребите околу војната. Молитва некоја со Мухамед и Алах со која нјверојатно иделе во борба.
Србија - тука најлошо пројде Бугаркава замалку ќе настрдаше откако им ја пушти Босанската верзија. Ама и тие тврдеа дека песната во оригинал ја пеела Коштана, најубавата циганка од Врање. Зборуваа нејзините внук и внука.
Кај нас ја има исто во две верзии и тоа „Ој девојче (ти тетовско јаболко)“ и „Пацо Добрушчанке“.
Тука Бугаркава потфрли малку бидејќи прво отиде по информции за песната во дервишкото теќе на бит пазар. Таму и кажаа дека е Турска а после во Прилеп кај пријател еден на Џумерко кој што ја пеел вторава верзија, таа за Паца. Никого не праша за верзијава што ја пее Виолета Томовска што и Тоше нели ја препеа со Синтезис.
И разочарувачки за мене само во Македонија немаше “патриотизам“ кај соговорниците и никој не ја убедуваше дека е наша песната. Сите само викаа „мислиме дека е наша“
Е сега ќе поставам неколку верзии и тоа: нашата, Босанската (за Анадолката) и една појма немам чија верзија (украинско...молдавска)е и малку е слаба снимката.
Мене највеќе ми се допаѓа нашата, Македонската, верзија но тоа нели е мое субјективно мислење.
Ако некој има информација повеќе за изворноста на песнава нека напише. Но би замолил за аргументирани пишување а не тоа да биде НАША е и толку.
GokaGrozni Одржувач на ред
Број на мислења : 2571 Локација : Куманово Регистриран на : 2008-08-31
Предмет: Re: Чија е песнава? Чет 21 Мај 2009, 6:44 pm
VoniVaraS напиша:
Ако некој има информација повеќе за изворноста на песнава нека напише. Но би замолил за аргументирани пишување а не тоа да биде НАША е и толку.
Имформација немам, ама имамам факт, тактот е класичен македонски ( имаме најтежок такт во Еврора ). Темава ме заинтригира, ветувам дополнително ке се консултирам и соодветно ке информирам. Сега за сега толку, се читаме подоцна.
ПС.Симптоматично, оваа е една од 3-4 - те песни кај се спомнува "тетовско јаболче"
Бе Перо Тупаџија со тапија
Број на мислења : 3016 Локација : Скопје Регистриран на : 2008-08-31
Предмет: Re: Чија е песнава? Пет 22 Мај 2009, 12:07 am
За приказнава и за документарецот знам, иако признавам дека не сум го гледал.
Едно е јасно, а тоа е дека песната била создадена за време на турското владеење на Балканот. Сите овие набројани држави (Македонија, Србија, Босна, Албанија, Грција...) некогаш ја сочинувале Отоманската империја, па оттука логично е што си ја присвојуваат песната. Во вакви ситуации многу е важно да се размислува непристрасно и објективно, отколку само да се рече: „Наша е“ како што направиле сите во документарецот. Според мене, тоа што луѓето од Македонија не рекле веднаш „Наша е и точка“ не претставува никакво отсуство на патриотизам. Иако, дознав дека Македонците кои биле интервјуирани и не биле баш најстручни за прашањето (можеби грешам, не викам не, пак ќе кажам дека документарецов ми е прераскажан). Овој пример не е единствен. За „спорни“ песни се сметаат и „Не си го продавај Кољо чифликот“, „Назад, назад Калино моме“ и ред други.
VoniVaraS Тупаџија
Број на мислења : 217 Локација : Скопје Регистриран на : 2009-05-02
Предмет: Re: Чија е песнава? Чет 11 Јун 2009, 8:07 pm
Број на мислења : 2274 Локација : Skopje Регистриран на : 2008-08-31
Предмет: Re: Чија е песнава? Пон 15 Јун 2009, 1:31 am
Веројатно најстручно би објаснил некој што е музички образован (на пример, околу она за тактот на песната), но потполно се слагам со Бе Перо. Тоа што ние „мислиме дека е наша“ го покажува отсуството на национална тврдоглавост и ако сакате, толерантноста што ја имаме. Е сега, во услови на преживување, не знам колку е тоа добро, но сепак - браво за нашата широчина.
Песната не може да е „наша“, исто како што не може да е ниту само српска, бугарска, турска или не-знам-каква. Таа е создавана низ векови, се ширела на различни територии, па не би ме изненадило нејзината мелодија да допрела и подалеку. Примерите како неа треба да не’ зближуваат, а не да не’ оддалечуваат.
Имам и еден личен пример за ова: Пред десетина години бев на една македонска-бугарска книжевна конференција во Охрид и една убава вечер, си пеевме песни на терасата од хотелот. Почнавме да ја пееме „Распукала се Шар Планина“, а Бугарите ја имаа истата песна како „Расквасила се Шар Планина“. Сите беа горе-долу културни луѓе (или барем така личеа), па никој не запна ко магаре „наша е песнава и точка“, иако јас баш се изненадив што и во бугарскиот фолклор постоела таа песна.
VoniVaraS Тупаџија
Број на мислења : 217 Локација : Скопје Регистриран на : 2009-05-02
Предмет: Re: Чија е песнава? Пон 15 Јун 2009, 2:52 pm
Јас не реков дека песната е НАША и баш побарав некој ако може да го подобјасни некој тоа со тактот 7/8 - 3/4 или каков и да е (јас нели не сум тактичен ). Факт е дека на балканот фолклорот а со тоа и музиката е доста испреплетена меѓу народите, баш поради блискоста и сличноста. Како и поради сличната (иста) политичко економска состојба во која се наоѓаат сите балкански народи (држави) повеќе векови наназад. Документарецов е прекрасно направен и затоа и има освоено повеќе награди по разни фестивали. Од страна на авторката нема никави претензии за присвојување на ова или она и баш преку разговорот со ОБИЧНИ луѓе сака да ја долови сликата за чувствата кај сите народи. Сликата на крај што се добива е по малку поразителна, бидејќи многу јасно се гледа дека сепак балканот е сеуште затворен во кругот на меѓунационална нетрпеливост и негирање на сите останати. Дури и при дискусија за една песна која што како што викате треба да не зближи, соговорниците забегуваа во дискусии од типот „па ова е наше... ние сме најстари овде... нашата традиција е најстара... другите не ги бива...“ и ред други националшовинистички изјави, а многу лесно се прибегна и кон насилство. До кога балканов ќе биде „Буре Барут“? До кога соживот, толеранција и меѓусебно почитување ќе бидат само МИСЛОВНИ именки?
eftimoskatb Проф.Д-р Тупаџија
Број на мислења : 2274 Локација : Skopje Регистриран на : 2008-08-31
Предмет: Re: Чија е песнава? Нед 28 Јун 2009, 6:05 pm
Вечерва баш ќе оди овој документарец во Мала станица: