Стилски вежби

„Стилски вежби“ е наслов на една книга од Ремон Кено. Во неа, еден банален настан е опишан на 99 различни начини, со различен стил и од различна перспектива.

Мојата идеја за поставување на тема на форумов со ист наслов е следнава:

Би можеле најпрво да издвоиме еден краток текст кој опишува некоја случка. Тој текст може да го измислиме, а може и да го позајмиме од некоја интернет страница на нашите дневни весници. После тоа, постапката е следнава: секој форумџија треба да го прераскаже тој настан во свој стил, од гледна точка која што сам/а ќе ја избере, и што ќе биде уште подобро- на СВОЈ ДИЈАЛЕКТ, бидејки имаме членови од повеќе места од Македонија.

Да го илустрирам тоа со пример.

Настанов е следниов (ова е само колку за да видите за што се работи, ќе најдеме друг текст) :
Човек влегува во продавница во која има уште една постара жена која пазари пред него. Тој се нервира, бидејки ја чека подолго време и купува една кутија цигари на пример.

Е сега, овој настан може да се раскаже од гледна точка на:

Човекот кој купува цигари:
„Ми се брзаше нешто, сакав да си купам цигари, кога гледам пред мене една бабетина се влече...“

Возрасната жена:
„Си бев купила гравче за да сварам дома за ручек, оти петок беше, ама продавачкава не знаеше точно да ми наплати, а позади мене еден чуден човек нервозно чекаше и ми се чинеше дека ќе ме удри.“

Продавачката:
„Бидејки јас сум нова, ова ми е прва работна недела, не знаев по колку да и’ го наплатам гравот на една жена. Ко за беља, позади нејзе стоеше еден човек во црна јакна кој ме гледаше попреку...“

Мислам дека ја добивте идејата.
Ако не бев јасен, слободно прашајте ме. Ова е само колку за загревање, а допрва ќе најдеме текст кој ќе може да го „обработиме“. :D

Во предходно опишаната продавница со тројцата ликови влегувам
ЈАС - Дежурно бушаво мрчало :santa:
Кај ја најдоа оваа неписмена за продавачка што ја ставиле. Бабичкава и не мораше баш сега грав да купува. Види го па овој за една кутија цигари влегол во Маркет наместо да си купи од трафика по пат.
Вака нешто бе Бе Перо. :D

СтончиС напиша:

Вака нешто бе Бе Перо. :D

Така, браво!

Може ли јас швепс да купувам, оти сум непушач ?!!

GokaGrozni напиша:

Може ли јас швепс да купувам, оти сум непушач ?!!

Може, секако.
Сега само се вежбаме. Не мора да изгледа како некој од нас лично да бил на настанот, туку секој е слободен да си избере свое гледиште (во горниот пример, еден од трите лика). Целата поента на темата е да се пишува креативно. Пишувачот има одврзани раце за пишување. :D

Бе Перо напиша:

Пишувачот има одврзани раце за пишување.

Уште само тема да ни бапнеш, па да ни гледаш сеир

Еве, јас ќе пробам:

Беше прекрасно понеделничко утро. Градските автобуси весело и громогласно брмчеа по улиците, оставајќи свежи издувни гасови зад себе. Децата не беа сигурни дали треба да одат на училиште зашто професорите им штрајкуваа, но сепак неколку групи живо беа упатени кон училишната зграда. Сите продавници имаа патриотски фискални сметки и се’ на се’, тоа беше ветувачки почеток за еден прекрасен ден.
Едно младо момче излезе од дома вчера некаде околу 20 часот и се’ уште не беше вратено дома, бидејќи техно-журката траеше до раните утрински часови. Реши да влезе во попатната бакалница да си купи цигари, зашто знаеше дека кога-тогаш, ќе мора да умре од нешто, па не се плашеше од рак.
Пред него итро чекореше една баба, една од оние кои секогаш се жалат на реума во коските, но кога ќе треба да се растуркаат за преку ред да купат нешто, тогаш наликуваат на пензионирани рагбисти. Бабата, се разбира, побрза да го изрецитира својот список производи, составен главно од најново рекламираните средства за чистење, најскапиот прашок за перење и слични производи што таа одвај можеше да си ги дозволи со својата скромна пензија.
Бидејќи малку запна дали да купи Анитра или Мистер Мускуло, момчето, со својот срамежлив и видливо мутиран глас, побара од продавачката да му даде една кутија цигари. Таа презриво го погледна, а бабата не пропушти да прокоментира дека младите се толку невоспитани денес, што просто ти е срам да ги гледаш.

(Продолжува во следниот пост)

Еве текст на којшто можеме да вежбаме креативно пишување:

Со шлаканици и клоци револтиран студент ја нападнал Елена Михајлова, асистентка на Љубомир Фрчкоски на Правниот факултет.

22-годишникот од Богданци, околу 11 часот влегол во кабинетот на асистентката. Од неа побарал да му впише дополнителен број на бодови за донесениот есеј, во што не успеал, па почнал физички да се пресметува со неа.

„Расправијата била околу некои поени за есеј кои ги барал студентот, а кои асистентката не била во можност да му ги даде, затоа што нити му биле заслужени, нити пак имала таква опција веќе после завршувањето на испитите“, рече Иван Живковски, Сојуз на студенти на Правен факултет.
Елена Михајлова


Асистентката го повикала универзитетското обезбедување, подоцна интервенирала и полицијата.

Кабинетот во кој се случил инцидентот е заклучен веќе цел ден, а асистентката Михајлова, и покрај сите обиди на А1, остана недостапна на мобилен телефон.

Полицијата го привела студентот. Откако 22-годишниот богданчанец го објаснил својот револт, бил пуштен. Сега заработи прекршочна пријава за физички напад.

--------------------------------------------------------------------------------------------------------------------------------------------

Кој сакате да бидете? Студентот? Асистентката на Фрчко? Обезбедувањето? Полицијата?

А Фрчко кој ќе биде?
И тој е одличен тепач, штета да го нема во приказната

Ај јас ќе бидам асистентката. (Само чек да се помрднам од столчево против уроци)

eftimoskatb напиша:

А Фрчко кој ќе биде?
И тој е одличен тепач, штета да го нема во приказната

Еве јас ќе бидам. :D Ќе смислам начин некако и него да го вметнам во приказната. :D

Бе Перо напиша:

eftimoskatb напиша:

А Фрчко кој ќе биде?
И тој е одличен тепач, штета да го нема во приказната

Еве јас ќе бидам. :D Ќе смислам начин некако и него да го вметнам во приказната. :D

Он нека се појави да ја спасува асистентката


А и Чак Норис секако да го има, може да биде обезбедувањето!!! :hayel:

Во стил на Фрчко: :D (не ми замерајте за некои зборови, сакам да го доловам добро :D )

Се качуем ја на 12-ка и идам накај факултет. И онака бев тешко наапан од една кампања на владана, па си мислев
бар овие копиљациве на факултет нема да ме замараат. Кога, шо да видам! Обезбеџење и полиција какво што
немаше ни у мое време! Прашав еден од тие чаушите шо се дешава и овој ми смотуе нешо: студент, асистентка, туча...
- Која асистентка бе?- му викам.
- Некоја Елена.
Леаале, си реков, само ако е ова онаа мојана Елена, сеа коа ќе ја размаам убао.....она ќе ми праи проблеми у сред кампања бе еееј, утре прецедник ќе бидам бе, со вакви сељандури ли да се замарам ц ц ц....
После уствари разбрав дека еден од пиљиштарине и’ барал дополнителни поени за некаков есеј, ама мојана не попуштала, па си го добила. И ја сеа шо? Ем го оправдуем младичот шо ја дигнал на клоци и шамари (у мој стил бе, е не ќе се зезаме...), ем рука на срце, ни ја не би дал вишак поени за некаков есеј бре. Па читал ли тој мои колумни бе да види како се пишуе?
Ах брее....никој не ме слуша у држаава.