Тие ја призна Македонија под уставното име

превземено од. http://vecer.com.mk/?ItemID=7457766101B1A1419868A7EF520F3221

Да пробам да резимирам
Значи земјите што не признале под уставното име ни се обраќаат како Република Македонија во БИЛАТЕРАЛНИТЕ ОДНОСИ.
А, ако некоја земја што не признала под уставно име организира некој меѓународен собир, на истиот собир не пишува како ПЈРМ
Резолуцијата што е донесена во ООН во врска со нашето име е верификувана само во македонскиот парламент, а кај јужниот сосед НЕ Е верификувана.
Ситуација: Парадокс :no:

По Панама и Мексико, уставното име на Македонија ќе престане да го употребува и Демократска Република Конго, пренесе вчера грчката државна новинска агенција АНА - МПА повикувајќи се на официјални извори во Атина. Македонското Министерство за надворешни работи (МНР) оцени дека Грција провоцира и ја дезинформира грчката јавност.

Агенцијата АНА - МПА се повикува на заедничко соопштение на грчкиот заменик - министер за надворешни работи Георгиос Валинакис и шефот на дипломатијата на Конго, Буса Ниамвиси, потпишано на нивна заедничка средба на деновите на Франкофонијата одржани во Квебек, Канада.

Според соопштението, Конго ќе престане да го користи уставното име на Македонија во билатералната и во меѓународната комуникација и ќе се служи со името Поранешна Југословенска Република Македонија (ПЈРМ).

МНР соопшти дека ќе ја провери информацијата дека Конго ќе ѝ се обраќа на Македонија со привремената референца ПЈРМ.

„Имајќи ги предвид искуствата со Панама и Мексико, очекуваме и во случај да се докаже дека станува збор за уште еден „издишан балон“ на нашиот јужен сосед и обид да се изманипулира грчката јавност особено откако Чиле ја призна Македонија“, се вели во соопштението.

Според македонското МНР, Грција продолжува со провокаторска игра за дезинформација на сопствената јавност која на овој начин треба да се увери во „триумфалноста“ на грчката дипломатија.

„Атина не може да се помири со фактот дека 125 држави во светот го употребуваат нашето уставно име. Чувствувајќи потреба да се релативизира оваа вистина, грчките власти преку медиумите се обидуваат да прикажат некаков пресврт во меѓународната употреба на името Република Македонија, со што кај грчката јавност се создава дополнителна збунетост во перцепцијата на оваа најпопуларна надворешно - политичка мерка“, се вели во реакцијата на МНР.

Нова Македонија

Цитат :

Атина не може да се помири со фактот дека 125 држави во светот го употребуваат нашето уставно име

Цитат :

Со потписи од 128 земји ако не признаат ние можеме да побараме ревизија на првичната одлука

Значи и тој услов да го исполниме повторно ЧОРБА

грешката е направена... ПЈРМ најголемата грешка во историјата на Македонија.. нека ја носат на душа предавниците!!!! ни 500 години под турско не се осмелил никој да си игра со името на Македонија... ама ете се најдоја и такви... недоносени :( :( :(

Ангела напиша:

грешката е направена... ПЈРМ најголемата грешка во историјата на Македонија.. нека ја носат на душа предавниците!!!! ни 500 години под турско не се осмелил никој да си игра со името на Македонија... ама ете се најдоја и такви... недоносени :( :( :(

Напред Ангела!!!!

Ова „недоносени“ од Ангела ме потсети на еден дел од книгата „Бежанци“ од Петре М. Андреевски, каде што тој најубаво, со вистинските зборови ги опишува тие без`рбетници. Ќе се потрудам да го извадам тој цитат.

Околу признавањава...ме чуди како сеуште една Австралија во која што живеат многу наши иселеници, не не` признала.

Бе Перо напиша:

Околу признавањава...ме чуди како сеуште една Австралија во која што живеат многу наши иселеници, не не` признала.

Во однос на Австралија, Австралија секогаш го следела примерот на САД. Првпат кога САД не призна под името ПЈРМ, уште следниот ден истото го направи и Австралија. Пред 4-5 години кога САД ја смени одлука и не призна под уставното име Република Македонија очекував дека во блиска иднина истото ќе го направи и Австралија, ама за жал не се случи. Мислам дека таму работите се многу посложени и таму е најсилно грчкото лоби. Таму Македонците се нарекуваа дури и славомакедонци, а јазикот славомакедонски во некои документи. Македонските здруженија успееја да се изборат за јазикот да се нарекува македонски, а и за нацијата мислам дека го добија тој спор.

Андора не` призна!
Иако е фри-шоп земја, важно се брои.
Мислам дека е 125-та земја која ја признала Македонија под уставното име.
Редно време беше, после оние две фудбалски утакмици каде што добро не` посрамотија...