Со оглед на тоа дека главен приоритет во светот е храната добиена по пат на органско производство, може да се каже дека одгледувањето на калифорниските црви има особен придонес, бидејки производите кои се добиваат притоа имаат голема примена во земјоделството (биохумусот) и во сточарството (протеинското брашно)

1. Хумусот како финален производ добиен со преработка на органските отпадоци
*Подобрување на плодноста на почвата
*Создавање готови асимилативи за растенијата
*Биомелиорациите на почвата
*Зголемување на биогеноста на почвата
*Зголемување на отпорноста на растенијата кон одредени заболувања
*Компензацијата на недостиг од органски материјали

2. Протеинското брашно добиено со обработка на самите црви
* внесување на есенцијални аминокиселини преку исхраната
* зголемена продуктивност

Ако се има ова предвид, тогаш е јасно, одгледувањето калифорниски црви многу брзо ке стане една профитабилна гранка во семејниот бизнис.
Но, да почнеме од почеток.

Уште во Стариот Египет црвите биле прогласени за заштитени животни, бидејки било забележано дека почвите кои ги поплавувала реката Нил биле поплодни зашто во себе содржеле повеќе црви. Освен тоа, филозофот Аристотел црвите ги нарекол „црева на почвата", бидејки почвата во текот на годината по неколку пати минувала низ цревниот тракт на црвите, со тоа станувајќи поплодна. Чарлс Дарвин во својата книга „Дождовните црви и почвата" објаснува како за една година, во еден метар квадратен црвите исфрлаат околу 4 кг високо квалитетен био-материјал.
Државниот универзитет во Калифорнија при крајот на `50-тите пристапува кон селектирање на група црви кои ќе бидат далеку попродуктивни. Резултат од долгогодишната селекција е хибридот „калифорниски црвен црв“, кој најбрзо ја користи органската материја и ја преобразува во протеинска маса, а патем како производ се добива и био-хумус.Од фармерското одгледување на овој вид црви имаат корист повеќе сегменти од нашето живеење, земјоделието, сточарството, како и екологијата.
Имено, за исхрана на овие животни се користи органски отпад од секаков вид: хартија и картон, отпадоци од прехранбената и дрвната индустрија, отпадоци од домаќинствата,отпадоци од парковите (трева,лисја...), шталско ѓубре, слама итн. Значи, сите органски отпадни материи кои можат да ферментираат. Воедно се воспоставува и идеален затворен еколошки круг.



Калифорниските црви можат да се одгледуваат во домашни и фармерски услови.
За дома, доволен е дрвен сандак со димензии 50 cm * 50 cm * 100 cm ( висина/ширина/должина ), кој мора да е со неколку отвори од 1 см од страна. Сандакот може и дополнително да е украсно обоен и декориран, сместен во дворот или на балконот, со некаква дополнителна намена (на пример, подлога за саксиско цвеќе). Еднаш до двапати во неделата се отвора и внатре се става органскиот отпад што ви останува од домаќинството, притоа водејки сметка за потребната влага.




Едноставно најдете пригодно место и импровизирајте.

Фармерското одгледување на калифорниските црви подразбира многу посериозен пристап, за што се потребни и дополнителни услови и алат. Обично се одгледуваат на отворено, на пошироко пространство (бавча, лозје или овоштарник), при што се прават легла со димензии 30 cm * 100 cm * 200 cm. ( висина/ширина/должина ). Соодветно се заштититува од долната страна, при што се става најлон и ситна жичена мрежа која ќе ги спречи животните кои живет под земја да влезат во леглото. Од горната страна, како покрив се става плетена трска, бидејки сончевите зраци бргу ја сушат содржината на леглото, а тоа воедно ќе ги спречи и птиците да прават штета. Еднаш неделно се нанесува слој од 5 cm храна и скоро секојдневно се попрскуваат со вода, за да се постигне посакуваната влага.




Република Македонија всушност сега ги прави првите поголеми чекори во развојот на на оваа гранка, затоа не очекувајте субвенции.