Радио аматерскиот клуб “Никола Тесла“ од Штип е формиран далечната 1947 година од страна на млади луѓе заинтересирани за електротехниката. Основите цели и задачи на радио клубот од формирањето до денес се поттикнување на интересот на луѓето за радио техниката. Првите чекори во радиоаматерството се прават во конструкторството а во средина на педесетите, благодарение на самоизградениот предавател, започнува ерата на радиооператорската секција.
Од тој период до денес членовите на радио клубот имаат одржано голем број на радио врски со радиоаматери од целиот свет. Водечка активност во радио клубот од почетокот на деведесетите се учествата во светските радиоаматерски натпревари. На ова поле се постигнати и нјаголемите успеси на радио клубот со кои во голема мера ја презентираше нашата држава во целиот свет.
Благодарение на овие успеси, радио клубот стекна големо реноме кај радиоаматерите во светот кое побуди интерес кај голем број радиоаматери за нашата држава. Во изминатите петнаестина години нашата држава е посетена од радиоаматери од преку десетина држави од Европа и светот. Со голем дел од овие радиоаматери остварени се заеднички проекти во рамките на радиоаматерските активности, учества во натпревари и одржување на радио врски.
Најзначајни резултати на радио клубот постигнати во радиоаматерските натпревари се 3 светски први места во светското радиотелепринрско првенство и 3 први места во светскиот радио телепринтерски куп.
Венцо
Пон 16 Фед 2009, 3:11 am by SiNaPsA`